"Minsk 2019": 13-cü medalı da sərbəst güləşçimiz qazanıb

   Azərbaycan sərbəst güləşçisi Hacımurad Hacıyev Minskdə keçirilən ikinci Avropa Oyunlarında bürünc medal qazanıb.

74 kiloqram çəki dərəcəsində yer alan H.Hacıyev üçüncü yer uğrunda görüşdə ukraynalı Vasili Mixaylovu məğlub edib. Bu, Azərbaycanın "Minsk 2019"da 13-cü medalı olub. Medallardan 1-i qızıl, 4-ü gümüş, 8-i bürüncdür.

Daha əvvəl Hacı Əliyev (65 kq) və Nurməhəmməd Hacıyev (97 kq) finala yüksəlib.

Bu gün daha üç sərbəst güləşçimiz bürünc medal uğrunda yarışacaq.