"Bakı 2019" XV Avropa Gənclər Yay Olimpiya Festivalı ilə bağlı şənlik keçirilib

 “Bakı-2019”-da iştirak edəcək ölkələrin nümayəndə heyətləri Atletlər Kəndində şənlik təşkil ediblər

“Bakı-2019” XV Avropa Gənclər Yay Olimpiya Festivalında iştirak edəcək ölkələrin nümayəndələri Atletlər Kəndində məskunlaşıblar.

Yarışda iştirak edəcək 48 ölkənin idmançıları və nümayəndə heyəti üçün bununla bağlı şənlik təşkil olunub.

XV Avropa Gənclər Yay Olimpiya Festivalı iyulun 21-27-də keçiriləcək. Yarışda 48 ölkədən 14-18 yaşlı 3900 yeniyetmə idmançı mübarizə aparacaq.

Qeyd edək ki, “Bakı 2019”da atletlər idmanın 10 növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda qüvvələrini sınayacaqlar. Bu yarışlarda ölkəmizi 122 idmançı təmsil edəcək. Festival zamanı 12 idman arenasında 2500-dən çox könüllü fəaliyyət göstərəcək.