Qadın güləşçilərimizin rəqibləri bəlli oldu

Rio Olimpiadasında güləş yarışları davam edir. Olimpsport.az saytının məlumatına görə, sabahdan etibarən xanım güləşçilərin medal həyəcanına start veriləcək.

 

İlk olaraq iki təmsilçimiz – Mariya Stadnik (48 kq) və Yuliya Ratkeviç (58 kq) döşək üzərinə çıxacaqlar.

 

Yarışa 1/8 finaldan başlayacaq xanım idmançılarımızın artıq ilk rəqibləri də bəlli olub.

 

Mariya Stadnik gücünü argentinalı Alexandra Patrisia Bermudez ilə, Yuliya Ratkeviç isə ukraynalı Oksana Herhel ilə üz-üzə gələcək.

 

Görüşlər müvafiq olaraq 17:48-də və 17:56- da başlayacaq.