Mandzukiçdən “Milan”a 300 min avroluq jest

“Milan”ın hücumçusu Mario Mandzukiç kluba jest edib.
 
OLİMPSPORT xəbər verir ki, xorvatiyalı futbolçu, zədə səbəbindən mart ayında heç bir oyuna çıxmadığı üçün həmin ayın məvacibini kluba bağışlayıb.
 
Bu barədə “Milan”ın mətbuat xidməti məlumat yayıb. Xəbərdə, Mandzukiçin bir aylıq məvacibini – 300 min avronu kluba ianə etdiyi bildirilib. Bu məbləğ klubun fonduna köçürüləcək.
 
Bu ilin yanvarında “Milan”la müqavilə imzalayan 34 yaşlı hücumçu bu mövsüm 4 oyuna çıxıb. Mandzukiçin klubla müqaviləsi iyula qədərdir.