"Liverpul" Bentekeni 32 milyon avroya satdı

"Liverpul”da əsas heyətə düşməkdə çətinlik çəkən Kristian Bentekenin digər Prmeyer Liqa klubu "Kristal Pales”ə keçidi rəsmiləşib.
 
Olimpsport.az xəbər verir ki, London təmsilçisi bu gün səhər saatlarında  25 yaşlı hücumçunun transferini açıqlayıb. Belçika millisinin üzvü ilə 4 illik müqavilə imzalanıb.
 
"Kristal Pales”in Benteke üçün "qırmızılar”a 32 milyon avro ödədiyi bildirilir.
 
Qeyd edək ki, Benteke 2015-ci ildə "Aston Villa”dan "Liverpul”a transfer olunmuşdu.