Rumıniya E qrupunun birincisi olub

Almaniyada keçirilən futbol üzrə Avropa çempionatının qrup mərhələsinin III turunun Slovakiya - Rumıniya görüşü başa çatıb.

"Olimpsport" xəbər verir ki, “Frankfurt Arena”dakı matç heç-heçə yekunlaşıb - 1:1.

24-cü dəqiqədə Ondrey Duda Slovakiyanı hesabda önə çıxarıb. 37-ci dəqiqədə isə Razvan Marin penalti zərbəsini dəqiq yerinə yetirərək "status-kvo"nu bərpa edib.

Bu nəticənin ardından xallarının sayını 4-ə çatdıran Rumıniya qrup birincisi olub.